Iraganaren morroi gara, arlo guztietan, onerako gehienetan, iturri hortatik ikasten eta edaten baitigu, iturri zaharretik, beti ur berria, Joxean Arzek esan zuen bezala.

Eibarren jaioa, Matematika Aplikatuan Katedraduna da Madrileko Unibertsitate Autonomoan. Ikerbasqueko ikerlaria egun zuzendari zientifiko sortzaile gisa aritzen da Basque Center of Applied Mathematics Bilboko zentroan.

Matematikariek egiteko bikoitza dugu: alde batetik, galdera zuzenak egin behar ditugu eta, bestetik, erantzun zehatzak aurkitu, nahiz eta partzialak izan. Uste dut horretan gure lana eta Jakiunde osatzen duten zientzien, arteen eta letren gainerako diziplinetako adituena ez dela oso desberdina, funtsean

Enrike Zuazuak grinaz bizi du matematika. Halaxe aitortzen du, eta nabaritu egiten zaio, gainera. Adibidez, galderei erantzutean, ezin du ezkutatu matematikarekiko sentitzen duen erakarpena, lilura. Baina ez da horretan geratzen, eta lilura hori kutsatzen saiatzen da, uste osoa baitu gizartearen motor nagusienetariko bat dela matematika.

Duela gutxirarte abioa hartzea gauza arraroa zen. Parisen ikasten nuenean, duela 25 urte, gure belaunaldikoei ez zitzaigun bururatu ere egiten abioirik hartzea Pariserako bidean. Izan ere, normaltzat jotzen genuen Hendaiaraino trenez edo autobusez joatea, ondoren, han, Pariseko trena hartzeko, gau osoa bertan emanik. Egun osoko bidaia zen garai hartan. Gaur egun hori oraindik posiblea da […]